নগাঁও বিদেশী ন্যায়াধিকৰণে ১৫ জন ব্যক্তিক বাংলাদেশী মূলৰ বিদেশী নাগৰিক বুলি ঘোষণা কৰি ২৪ ঘন্টাৰ ভিতৰত ভাৰতৰ পৰা বিতাড়নৰ নিৰ্দেশ দিছে।
ন্যায়াধিকৰণৰ নিৰ্দেশ অনুসৰি আৰক্ষীয়ে ব্যক্তিকেইজনক বিতাড়নৰ বাবে জিম্মাত লৈছে। ন্যায়াধিকৰণৰ তথ্য অনুসৰি নগাঁও জিলাৰ উপায়ুক্ত দেৱাশীষ শৰ্মাই আনুষ্ঠানিক বিতাড়নৰ নিৰ্দেশ জাৰি কৰিছে।
বিষয়াসকলে কয় যে চিনাক্ত বিদেশীক মাটিয়া ডিটেনচন কেম্পত ভৰ্তি কৰি প্ৰয়োজনীয় আইনী আৰু প্ৰশাসনিক পদ্ধতি সম্পূৰ্ণ কৰা হৈছে।
সীমান্ত সুৰক্ষা বাহিনীয়ে মানক প্ৰট’কল অনুসৰণ কৰি নিশাৰ ভাগত আন্তঃৰাষ্ট্ৰীয় সীমান্তৰ জৰিয়তে তেওঁলোকক বাংলাদেশক গতাই দিয়াৰ সম্ভাৱনা আছে।
প্ৰব্ৰজন আইন আৰু ন্যায়াধিকৰণৰ ৰায় বলবৎ কৰাৰ বাবে চৰকাৰৰ প্ৰতিশ্ৰুতি পুনৰবাৰ উল্লেখ কৰি কৰ্তৃপক্ষই কয় যে এই ব্যৱস্থা উপযুক্ত আইনী প্ৰক্ৰিয়াৰ পিছত গ্ৰহণ কৰা হৈছে।
ন্যায়াধিকৰণে বাংলাদেশী নাগৰিক বুলি ঘোষণা কৰা ব্যক্তিসকল হ’ল-
জহুৰা খাতুন, ১ নং কান্ধুলিমাৰী, ধিং
আব্দুল আজিজ, হেদয়াতনগৰ, নগাঁও টাউন
আহেদা খাতুন, বগৰীগুৰি, জুৰিয়া
আজুফা খাতুন, গৰেমাটি খোৱা, ৰূপহীহাট
হুছেইন আলী, দীঘলীআটী, ৰহা
ফাজিলা খাতুন, হাতিউজোৱা, বটাদ্ৰৱা
অনুৰা বেগম, লেংটেং, ছামগুৰি
আশা খাতুন, শালবাৰী, ছামগুৰি
নজৰুল ইছলাম, চাপৰমুখ টাউন, ৰহা
ৰহিম শ্বেখ, দীঘলীআটী, ৰহা
বুৰেক আলী, দীঘলীআটী, ৰহা
ইদ্ৰিছ আলী, ৰহা টাউন
ৰুস্তম আলী, হাতীগাঁও বাগান, কলিয়াবৰ
আনোৱাৰ খান, গৰুবন্ধা, জখলাবন্ধা
তাহেৰ আলী, গৰৈমাৰী, কলিয়াবৰ
কটকটীয়া নিৰাপত্তাৰ অধীনত আৰু সীমান্ত কৰ্তৃপক্ষৰ সহযোগত বিদেশীসকলক বিতাড়ন কৰা হ’ব বুলি বিষয়াসকলে নিশ্চিত কৰিছে।