শেহতীয়াকৈ এক নতুন তদন্তত অভিযোগ উঠিছে যে ৰাছিয়াৰ ৰাষ্ট্ৰপতি ভ্লাদিমিৰ পুটিনে ৰাজহুৱা স্থানত উপস্থিত হ’লে নিজৰ প্ৰকৃত স্থান লুকুৱাবলৈ প্ৰায় একেধৰণৰ তিনিটা কাৰ্যালয় ব্যৱহাৰ কৰে।
তদন্তত কোৱা হৈছে যে পুটিনক কমেও তিনিটা প্ৰায় একে কাৰ্যালয়ত দেখা গৈছে। এই কাৰ্যালয়সমূহ মস্কোৰ ওচৰৰ ন’ভ’-অগাৰিয়’ভ’ত, কৃষ্ণ সাগৰৰ উপকূলৰ ছোচিত আৰু মস্কোৰ পৰা প্ৰায় ২৫০ মাইল উত্তৰ-পশ্চিমে ভালডাইত তেওঁৰ নিৰাপদ বাসগৃহত আছে।
৭০০ৰো অধিক ভিডিঅ’ বিশ্লেষণ কৰি এই কথা জানিব পৰা গৈছে! গৱেষকসকলে ক্ৰেমলিনে মুকলি কৰা ৭০০ৰো অধিক ভিডিঅ’ বিশ্লেষণ কৰিছে আৰু এটা ভিডিঅ’ত পুটিন ন’ভ’-অগাৰিয়ভ’ত আছে বুলি দাবী কৰা হৈছে যদিও আচলতে তেওঁ ভালডাইতহে আছে!
গৱেষকসকলে কিছুমান সূক্ষ্ম কিন্তু সামঞ্জস্যপূৰ্ণ কথা চিনাক্ত কৰিছে। সেইবোৰ কি? যেনে থাৰ্মোষ্টেটৰ ডিজাইন, দুৱাৰৰ হেণ্ডেলৰ অৱস্থান, বেৰৰ সজ্জাৰ ডিজাইন ইত্যাদি! পুটিনৰ এখন ভ্ৰমণ নথিত দেখা গৈছে যে যেতিয়া ক্ৰেমলিনৰ কেপচনত লিখা আছে যে পুটিন মস্কোৰ ওচৰত আছে, তেতিয়া তেওঁ আচলতে ছোচি আৰু ভালদাইত আছে!
এই পুটিনৰ নকল অনুকৰণ কিয়? আনক বিভ্ৰান্ত কৰিবলৈ! পুটিন একে সময়তে একাধিক ঠাইত থকাৰ এই তথ্য আৰু তেওঁৰ বিভিন্ন কাৰ্যালয়ৰ বিষয়ে এই তথ্য পুটিন আৰু ক্ৰেমলিনক নিৰাপত্তা, গোপনীয়তাৰে আবৃত কৰি ৰখাৰ এক কৌশল। বা ৰাজনৈতিক কাৰণত পুটিনৰ স্থান লুকুৱাই ৰখাৰ উপায় দিয়ে। ইয়াৰ ফলত তেওঁৰ চৰকাৰী বাসগৃহ হওক, কৃষ্ণ সাগৰৰ ৰিজ’ৰ্ট হওক বা নিৰ্জন ভালদাই চৌহদেই হওক, তেওঁ ক’তেই নাথাকক কিয়, তেওঁ ক্ষমতাত সুস্থিৰ বুলি ধাৰণা সৃষ্টি কৰে।