মিনি নিলামৰ পূৰ্বে বাতৰিৰ শিৰোনাম দখল কৰিছিল জম্মু-কাশ্মীৰৰ বেগী বলাৰ আকিব নবী দাৰে। চলিত ঘৰুৱা ছিজনত তেওঁৰ ফৰ্ম আছিল অতি উত্তম। মুম্বাই ইণ্ডিয়ানছৰ ট্ৰাইলত দেখা গৈছিল ২৮ বছৰীয়া বেগী বলাৰগৰাকীক। অৱশেষত তেওঁক দিল্লী কেপিটেলছে ৮.৪০ কোটি টকাত ক্ৰয় কৰে। নিলামত অল ৰাউণ্ডাৰ প্ৰশান্ত বীৰেও চকু কপালত তুলিলে। চি এছ কেয়ে তেওঁক বিপুল পৰিমাণে কিনিলে।
কাশ্মীৰী বেগী বলাৰগৰাকীৰ নূন্যতম মূল্য আছিল ৩০ লাখ। তেওঁক দলত স্থান দিবলৈ দিল্লী কেপিটেলছ আৰু ছানৰাইজাৰ্ছ হায়দৰাবাদৰ মাজত তীব্ৰ নিবিদা যুদ্ধ হৈছিল। শেষত তেওঁৰ নিলাম মূল্য ৮.৪০ কোটিলৈ বৃদ্ধি পালে। দিল্লী কেপিটেলছে তেওঁক কিনিলে। প্ৰসংগক্ৰমে ৰাজস্থান আৰু আৰ চি বিয়েও তেওঁক দলত স্থান দিবলৈ জপিয়াই পৰিল।
যোৱা ছিজনত ৰঞ্জি ট্ৰফীত আকিবে ৪৪টা উইকেট দখল কৰিছিল। তেওঁ আছিল দ্বিতীয় সৰ্বাধিক উইকেট দখলকাৰী। এই ছিজনতো তেওঁৰ পেচ বলিঙে মুম্বাই আৰু দিল্লীৰ দৰে বৃহৎ দলক পৰাস্ত কৰাত ডাঙৰ ভূমিকা পালন কৰিছিল। দুয়োখন মেচতে প্ৰথম ইনিংছত ৫টা উইকেট দখল কৰে। লগতে ৰাজস্থানৰ বিৰুদ্ধে দুটা ইনিংছত ১০টা উইকেট দখল কৰে। তেওঁৰ নামত ৩৬ খন প্ৰথম শ্ৰেণীৰ মেচত ১২৫ টা উইকেট আছে। অৱশ্যে টি-২০ৰ ২৭খন মেচত নবীয়ে ২৮টা উইকেট দখল কৰে। গড় ২৬.৩৯। ক্ৰিকেট জগতে অনুভৱ কৰিছে যে জম্মু-কাশ্মীৰৰ এই বেগী বলাৰগৰাকী দিল্লীত যোগদান কৰিলে লাভান্বিত হ’ব।
আনহাতে, নিলামত উত্তৰ প্ৰদেশৰ অল ৰাউণ্ডাৰ প্ৰশান্ত বীৰৰ নিলাম মূল্য বৃদ্ধি পালে। চেন্নাই ছুপাৰ কিংছ আৰু ছানৰাইজাৰ্ছ হায়দৰাবাদে নূন্যতম ৩০ লাখ টকাৰ ক্ৰিকেটাৰৰ বাবে যুঁজ দিছিল। শেষত তেওঁৰ মূল্য ১৪.২০ কোটি টকালৈ বৃদ্ধি পালে। চি এছ কেয়ে তেওঁক কিনিলে। ইউ পি টি-২০ লীগত নয়ডা ছুপাৰ কিংছক প্ৰতিনিধিত্ব কৰিছিল। চৈয়দ মুস্তাক আলী ট্ৰফীতো চকু কপালত তুলিছে বাওঁহাতৰ স্পিন বলিং অলৰাউণ্ডাৰগৰাকীয়ে। তেওঁ শতক অৰ্জন কৰে। ৬.৭৬ ইকনমিৰে ৯টা উইকেট দখল কৰে। মিনি নিলামৰ পূৰ্বে চেন্নাইয়ে মুকলি কৰি দিছিল ৰবীন্দ্ৰ জাডেজাক। তেওঁ নিজৰ পুৰণি দল ৰাজস্থান ৰয়েলছলৈ উভতি আহে। গতিকে বহুতে ভাবে যে তেওঁ এজন অল ৰাউণ্ডাৰ হিচাপে গুৰুত্বপূৰ্ণ ভূমিকা পালন কৰিব পাৰে।