ৰাজস্থানৰতিনিজন বিধায়কৰ বিৰুদ্ধে উত্থাপন হৈছে ঘোচলোৱাৰ অভিযোগ! তিনিওজন বিধায়কৰ বিৰুদ্ধে তদন্তৰ নিৰ্দেশ দিছে চৰকাৰে। ইয়াৰএজন শাসক দল বিজেপিৰ বিধায়ক, এজন বিৰোধী দল কংগ্ৰেছৰ, আৰু আনজন নিৰ্দলীয়।
অভিযোগ অনুসৰি, কোনো কামত বিধায়ক পুঁজিৰ ধন অনুমোদন দিলে, তাৰ পৰা এই তিনিজন বিধায়কে ‘কমিছন’ লৈছিল। এই ঘটনাৰ ফলত ৰাজস্থানৰ শাসক-বিৰোধী দুয়ো পক্ষই অস্বস্তিত পৰিছে। বিজেপি আৰু কংগ্ৰেছ উভয়েই অভিযুক্তসকলৰ পৰা স্পষ্টীকৰণ বিচাৰিছে।
ৰাজস্থানচৰকাৰে ইতিমধ্যে এটা উচ্চ পৰ্যায়ৰ তদন্তৰো নিৰ্দেশ দিছে। শেহতীয়াকৈ গোপন কেমেৰাৰ অভিযানত এই তিনিজন বিধায়কৰ কাণ্ড ধৰা পৰে।
বিজেপিৰ ৰেৱন্ত্ৰম দঙ্গ, কংগ্ৰেছৰ অনিতা যাদৱ আৰু নিৰ্দলীয় বিধায়ক ৰিতু বানাওৱাতে নিজ নিজ বিধায়ক পুঁজিৰ পৰা ধন অনুমোদন কৰাৰ বিনিময়ত টকা লোৱাৰ অভিযোগ উঠিছে। এই কথা পোহৰলৈ অহাৰ লগে লগে দুয়োটা দলেই অস্বস্তিত পৰে।
তাৎক্ষণিকভাৱে, ৰাজস্থানৰ মুখ্যমন্ত্ৰী ভজনলাল শৰ্মাই ছ’চিয়েল মিডিয়াত এটা পোষ্ট কৰে। চৰকাৰে যে দুৰ্নীতি কোনো কাৰণতে সহ্য নকৰে, সেই বাৰ্তা তেওঁ স্পষ্ট কৰি দিয়ে। ভজনলাল শৰ্মাই লিখে, “যিয়েই নহওক কিয়, দোষী প্ৰমাণিত হ’লে কাকোৱেই ৰেহাই দিয়া নহ’ব, যিমানেই প্ৰভাৱশালী নহওক কিয়।”
তেওঁ লগতে অতিৰিক্ত মুখ্য সচিব (স্বৰাষ্ট্ৰ) ভাস্কৰ সাৱন্তৰ নেতৃত্বত এখন তদন্ত সমিতি গঠন কৰাৰ কথাও ঘোষণা কৰে। সেইমতে, ভজনলাল শৰ্মাইৰাজস্থানৰমুখ্য সচিব আৰু আৰক্ষী প্ৰধানক প্ৰয়োজনীয় পদক্ষেপ গ্ৰহণৰ নিৰ্দেশ দিয়ে। ইতিমধ্যে চাৰিজনীয়া এখন সমিতি গঠন কৰা হৈছে। এই সমিতিত পঞ্চায়ত, বিত্ত আৰু গৃহ বিভাগৰ বিশেষ সচিবসকলক অন্তৰ্ভুক্ত কৰা হৈছে। অহা ১৫ দিনৰ ভিতৰত কমিটিক মুখ্যমন্ত্ৰীৰ ওচৰত প্ৰতিবেদন দাখিল কৰিবলৈ কোৱা হৈছে।