উদয়ম এগ্ৰ’ ফুডছে জলপান আৰু ৰেডি টু মেক ব্ৰেকফাষ্ট পেকেজড খাদ্য প্ৰস্তুত কৰে। তদুপৰি এই কোম্পানীয়ে ৬৬৮ কোটি টকাৰ বিভিন্ন কৃষি সম্পৰ্কীয় সামগ্ৰী প্ৰস্তুত কৰে। ৰিলায়েন্সৰ কনজিউমাৰ প্ৰডাক্ট বিভাগে ৬৬৮ কোটি টকাৰ এই কোম্পানীটো ক্ৰয় কৰাৰ পৰিকল্পনা কৰিছে।
এই সন্দৰ্ভত আলোচনা প্ৰায় চূড়ান্ত পৰ্যায়ত উপনীত হৈছে। চুক্তিৰ সৈতে জড়িত লোকসকলৰ উদ্ধৃতি দি ইকনমিক টাইমছে এই খবৰ প্ৰকাশ কৰিছে। অৱশ্যে এই অধিগ্ৰহণ কিমান টকাত হ’ব সেই সন্দৰ্ভত কোনো তথ্য জানিব পৰা হোৱা নাই।
এই চুক্তিৰ সৈতে জড়িত এজন বিষয়াই কয়, ‘ৰিলায়েন্সে ইয়াৰ পূৰ্বে কেম্পা কোলা শীতল পানীয় আৰু ভেলভেট শ্বেম্পু অধিগ্ৰহণ কৰিছে। এই চুক্তিখনো তেনেকুৱাই হ’ব৷’ অৰ্থাৎ আঞ্চলিক কোম্পানী এটা অধিগ্ৰহণ কৰি সৰ্বভাৰতীয় পৰ্যায়ত প্ৰডাক্টটো মুকলি কৰিব।
শেহতীয়াকৈ ৰিলায়েন্স ৰিটেইলে নিজৰ এফএমচিজি ব্যৱসায়ক নতুন সহযোগী কোম্পানীত অন্তৰ্ভুক্ত কৰিছে। ৰিলায়েন্স কনজিউমাৰ প্ৰডাক্টছ লিমিটেড এতিয়া ৰিলায়েন্স ইণ্ডাষ্ট্ৰীজৰ সহযোগী প্ৰতিষ্ঠান। ৰিলায়েন্সে পেকেজড কনজিউমাৰ ব্যৱসায় পুনৰ সংগঠিত কৰিবলৈ আৰম্ভ কৰিছে। ইয়াৰ পিছতে এই অধিগ্ৰহণৰ সন্দৰ্ভত শেহতীয়া খবৰটোও চৰ্চালৈ আহিল।
উদয়ম এগ্ৰ’ ফুডছ হৈছে চেন্নাইৰ এটা কোম্পানী। এই কোম্পানীটোৱে আঞ্চলিক বজাৰত টাটা কনজিউমাৰ প্ৰডাক্টছ, আইডি ফ্ৰেছ ফুডছ, এমটিআৰৰ দৰে ব্ৰেণ্ডৰ সৈতে প্ৰতিযোগিতাত অৱতীৰ্ণ হয়। এই কোম্পানীটো অধিগ্ৰহণ কৰিলে ৰিলায়েন্সে অতিৰিক্ত সুবিধা লাভ কৰিব। ইয়াৰ পূৰ্বে ৰিলায়েন্সে শ্বিুৰ ৱাটাৰ, ছিল জেম, লোটাছ, চকলেট, এলান বেগলেছ চিপছ, ভেলভেট পাৰ্চনেল কেয়াৰ আৰু টিৰা বিউটি ক্ৰয় কৰিছে।
কেৱল ৰিলায়েন্সেই নহয়। ভাৰতীয় বজাৰত এই বছৰ কেইবাটাও বৃহৎ কোম্পানীয়ে আঞ্চলিক কোম্পানী অধিগ্ৰহণ কৰিছে। যোৱা সপ্তাহত মামাআৰ্থ ব্ৰেণ্ডৰ মালিক হোনাছা কনজিউমাৰে বিটিএম ভেঞ্চাৰছক ক্ৰয় কৰিছিল। কোম্পানীটোৰ মালিক হৈছে ল’ৰাসকলৰ বাবে ব্যক্তিগত যত্নৰ ব্ৰেণ্ড ৰেজিনাল্ড। যোৱা মাহত গডৰেজ কনজিউমাৰ প্ৰডাক্টছে পুৰুষৰ গ্ৰুমিং ব্ৰেণ্ড মুসট্যাচক অধিগ্ৰহণ কৰিছিল।
বিনিয়োগ বেংকাৰ ইকুইটাছ কেপিটেলে এক প্ৰতিবেদনত প্ৰকাশ কৰিছে যে চলিত বৰ্ষৰ জানুৱাৰীৰ পৰা ছেপ্টেম্বৰৰ ভিতৰত ভাৰতৰ গ্ৰাহক খণ্ডত ১১৫টা অধিগ্ৰহণ চুক্তি কৰা হৈছে। যোৱা চাৰি বছৰৰ ভিতৰত এইটোৱেই সৰ্বাধিক। এই পৰিসংখ্যা চলিত বৰ্ষৰ প্ৰথম ৯ মাহত ২১,২০০ টকা হৈছেগৈ। এই খণ্ডটো তালিকাৰ শীৰ্ষত আছে।
দ্বিতীয় স্থানত আছে পোছাক আৰু আনুষংগিক সামগ্ৰী। ইমাৰ্ক গ্ৰুপৰ মতে ২০৩৩ চনৰ ভিতৰত ভাৰতীয় খাদ্য আৰু পানীয়ৰ বজাৰৰ আকাৰ ২২৪.৮ বিলিয়ন ডলাৰ হ’ব। ২০২৫ চনৰ পৰা ২০৩৩ চনৰ ভিতৰত এই উদ্যোগটো ৬.৫ শতাংশ হাৰত বৃদ্ধি পাব।