দেওবাৰে কৰ্তৃপক্ষই জনোৱা মতে, গোৱা নাইট ক্লাবৰ অগ্নিকাণ্ডত মৃত্যু হোৱা ২৫ জন লোকৰ আটাইকেইজনক চিনাক্ত কৰা হৈছে। ঘটনাৰ বলি হোৱা সকলৰ ভিতৰত ২০ জন কৰ্মচাৰী আৰু ৫ গৰাকী পৰ্যটক আছে।
দেওবাৰে পুৱাই আৰপোৰাৰ বাৰ্চ বাই ৰোমিঅ’ লেন নাইট ক্লাবত সংঘটিত হয় এই অগ্নিকাণ্ড। মৃত্যু হোৱা পাঁচজন পৰ্যটকৰ ভিতৰত চাৰিজন দিল্লীৰ, য’ত এটা পৰিয়ালৰ তিনিজন সদস্য আৰু পঞ্চমজন কৰ্ণাটকৰ। মৃত্যু হোৱা কৰ্মচাৰীসকলৰ ভিতৰত চাৰিজন উত্তৰাখণ্ডৰ আৰু তিনিজনকৈ ঝাৰখণ্ড, মহাৰাষ্ট্ৰ, আৰু নেপালৰ। এই ঘটনাৰ বলি হৈছে অসমৰ তিনিজন লোকো।
চিনাক্ত ভুক্তভোগীৰ তালিকা
• ঝাৰখণ্ডৰ – মোহিত
• ঝাৰখণ্ডৰ – প্ৰদীপ মাহতো
• ঝাৰখণ্ডৰ -বিনোদ মাহতো
• অসমৰ – ৰাহুল তাঁতী
• উত্তৰাখণ্ডৰ – সতীশ সিং
• অসমৰ -মনোজিত মাল
• নেপালৰ – চুৰ্ন বাহাদুৰ পুন
• উত্তৰাখণ্ডৰ – সুৰেন্দৰ সিং
• পশ্চিম বংগৰ দাৰ্জিলিঙৰ – সুভাষ চেত্ৰী
• উত্তৰাখণ্ডৰ – জিতেন্দ্ৰ সিং
• উত্তৰাখণ্ডৰ -সুমিত নেগী
• উত্তৰাখণ্ডৰ – মনীষ সিং
• নেপালৰ – বিবেক কাটৱাল
• নেপালৰ – ছাবিন
• উত্তৰ প্ৰদেশৰ -সুনীল কুমাৰ
• অসমৰ -দিগম্বৰ পাতিৰ
• উত্তৰ প্ৰদেশৰ – ৰোহন সিং
• মহাৰাষ্ট্ৰৰ – ডমিনিক
• মহাৰাষ্ট্ৰৰ – মনোজ জোৰা
• নেপালৰ – সুদীপ
• কৰ্ণাটকৰ – ইছহাক
• দিল্লীৰ – সৰোজ যোশী
• দিল্লীৰ – বিনোদ কুমাৰ
• দিল্লীৰ – অনিতা যোশী
• দিল্লীৰ – কমলা যোশী
ইয়াৰে তিনিজন ৰাহুল তাঁতী, মনোজিত মাল, আৰু দিগম্বৰ পাতিৰ অসমৰ।
অসমৰ মুখ্যমন্ত্ৰী হিমন্ত বিশ্ব শৰ্মাই এক্সত কয় যে তেওঁ প্ৰাণ হেৰুৱাসকলৰ বাবে গভীৰ শোক প্ৰকাশ কৰিছে।
প্ৰত্যক্ষদৰ্শীয়ে জনোৱা মতে, অগ্নিকাণ্ডৰ সময়ত প্ৰায় ১০০ জন লোক নৃত্যৰত আছিল আৰু আতংক বিয়পি পৰাৰ লগে লগে বহুতে চিৰিৰে তললৈ লৰালৰিকৈ নামি আহি কৰ্মচাৰীসকলৰ সৈতে আবদ্ধ হৈ পৰে।
বিষয়াসকলে এই পৰ্যন্ত ২৫ জনৰ মৃত্যু হোৱা বুলি নিশ্চিত কৰিছে।
আৰক্ষীয়ে জনোৱা মতে, চিলিণ্ডাৰ বিস্ফোৰণৰ ফলত জুইৰ সূত্ৰপাত হোৱাৰ সম্ভাৱনা আছে যদিও কিছুমান প্ৰত্যক্ষদৰ্শীয়ে কয় যে পৰ্যটকসকলে নাচি থকা প্ৰথম মহলাৰ পৰাই এই জুই আৰম্ভ হৈছিল।
পানাজীৰ পৰা প্ৰায় ২৫ কিলোমিটাৰ নিলগত আৰপোৰাত অৱস্থিত বাৰ্চ বাই ৰোমিঅ’ লেনৰ প্ৰৱেশ আৰু প্ৰস্থান সংকীৰ্ণ, আৰু ঠেক পথৰ বাবে অগ্নিনিৰ্বাপক বাহিনীৰ গাড়ী পোনপটীয়াকৈ ঘটনাস্থলীত উপস্থিত হ’ব পৰা নাছিল।